terça-feira, 29 de dezembro de 2009

La lhienda de la Boubielha


Cierto die, hai muitos anhos, las pessonas de l'aldé de Zenízio, bírun un páixaro mui guapo que tenie un cuculho na cabeça.

Esse páixaro era la boubielha.
Confundindo-lo cun Nuossa Senhora, juntórun-se todos a la boç de l Regedor i an reberência a la Birge de la Coquelhuda (pus assi chamórun a l'abe), fúrun stendendo lhençoles i telas de lhino brancos, para que assi pousasse i benisse pa l'Eigreija, dezindo:

Senhora de la coquelhuda, pousai an branco!
Mas l'abe, por sue beç, bolaba d'arble para arble, até que de l alto dun uolmo cantou:

Bu, bu, bu! Bu, bu, bu...
De boca abierta i delorosa, de zinolhos no chano, l giente de Zenízio respundie:

- Ah, Birge de la Coquelhuda, nun bos merecemos!
Chamai-nos burros i nós que l somos.
Desde para lantre, ls habitantes de l pobo de Zenízio passórun a ser coincidos
por boubielhos, nun gustando mesmo nadica de l nome.
Mas la lhienda tem muita fuórça!
Cousas de nuossos abós!



...E assim sou "Boubela", habitante deste cantinho de encantar: Genísio!

Sem comentários:

Enviar um comentário